1. INFORMACION I PËRGJITHSHËM

Qasja në dhe përdorimin e Lindex Kosova Shop Online dhe www.lindexkosova.com (“Uebfaqja”) janë subjekt i termeve dhe kushteve të mëposhtme. Nëse hyni në Uebfaqe, shfletoni ose vendosni një porosi në internet, ju pranoni të u përmbaheni këtyre termave dhe kushteve.

Ju lutemi lexoni me kujdes këto terma dhe kushte pasi ato përmbajnë informacion të rëndësishëm. Nëse keni ndonjë pyetje në lidhje me Lindex Kosova, këto terma dhe kushte ose uebfaqen tonë të internetit, ju lutem mos hezitoni të kontaktoni shërbimin e klientit në:  customer.service@lindexkosova.com.

Për të bërë një porosi në faqe, duhet të jeni mbi 18 vjeç dhe duhet të jeni banor në Republikën e Kosovës. Kjo faqe e internetit është në pronësi dhe drejtohet nga kompania Interex Kosova Sh.P.K, me adrese ne Rruga UÇK – Kompleksi Qafa, Kati i Parë, 10000 Prishtinë, Kosovë.

Në çdo kohë, Lindex Kosova mund të modifikojë ose ndryshojë këto Terme dhe Kushte për të korrigjuar ndërhyrjet ose për të qenë në përputhje me kërkesat e reja ligjore ose teknike. Konsumatori do t’i nënshtrohet Afateve dhe Kushteve fuqi në kohën e vendosjes së Urdhërit për Blerje.

Të gjitha njoftimet në pajtim me Termet dhe Kushtet, do të dërgohen në e-mail adresën e ofruar nga Konsumatori në kohën kur Konsumatori regjistrohet me rastin e blerjes. Termet dhe kushtet e vlefshme në kohën e vendosjes së porosisë do të zbatohen për porosinë, edhe kur ka ndryshime të mëvonshme. Këto terma dhe kushte interpretohen dhe rregullohen në përputhje me ligjet e Republikës së Kosovës.

• POLITIKA E PRIVATËSISË

Ju lutemi lexoni politikën tonë të privatësisë në https://lindexkosova.com/privacy-policy/. Kjo Politikë e Privatësisë rregullon mënyrën në të cilën ne mbledhim, përdorim, mbajmë dhe zbulojmë informacionin e mbledhur nga ju. Kjo politikë e privatësisë vlen për faqen e internetit dhe të gjitha produktet dhe shërbimet e ofruara nga ne.

• KUSHTET E BLERJES

Lindex Koosva pranon vetëm porositë e bëra përmes faqes sonë të internetit. Aktualisht nuk mund të pranojmë porosi përmes telefonit, email-it apo postës. Për të bërë një porosi nëpërmjet faqes së internetit, duhet të jeni mbi 18 vjeç dhe të banoni në Kosovë. Duhet gjithashtu të na jepni adresën e dërgesës dhe informacione të tjera kontakti (si email dhe numër telefoni celular). Këtë mund ta bëni përmes “shportës së blerjes” kur përfundoni porosinë ose duke regjistruar një profil përdoruesi në faqen tonë. Artikujt në shportë nuk janë të rezervuar deri në momentin që porosia të jetë dërguar dhe konfirmuar nga Lindex në Kosove përmes email-it tuaj.

Secili produkt i ofruar për shitje mund të zgjidhet në pjesën e dedikuar të uebfaqes do të shfaqë foton, çmimin e produktit, ngjyrat dhe madhësinë e produktit (aty ku është e aplikueshme).

Kontrata dhe konfirmimi i porosisë
Kur porositni produkte në faqe, kontrata e blerjes bëhet e detyrueshme vetëm pasi të keni marrë një konfirmim të porosisë nga Lindex Kosova në adresën tuaj të email-it (Konfirmimi I Porosisë). Ju do të merrni një email konfirmimi kur Lindex Kosova të regjistrojë porosinë dhe të përpunojë pagesën. Porositë e realizuara diten e Premte, Shtunë ose Dielën ose në ndonjë festë zyrtare do të konfirmohen jo më vonë se ditën e ardhshme të punës në ora 22:00.

Për të përfunduar një Urdhër për Blerje për Produktet e përzgjedhura, Konsumatori do të duhet të ndjekë udhëzimet dhe procedurat e dhëna në faqen e internetit. Pas vendosjes së suksesshme të Urdhërit të Blerjes dhe plotësimit të plotë të formularit të porosisë, Konsumatori do të marrë një konfirmim nga Lindex Kosova me anë të e-mailit i cili përmban një përmbledhje të detajeve të Produkteve të porositura dhe detajeve të transportit nëse është e aplikueshme.

Konsumatori është përgjegjës për të kontrolluar saktësinë e përmbajtjes së çdo Urdhëri të Blerjes që ai vendos përpara konfirmimit të Urdhërit dhe është përgjegjës për plotësimin e formularit të blerjes sipas udhëzimeve të dhëna në faqen e internetit. Para përfundimit të çdo Urdhëri, Konsumatorit do t’i kërkohet të konfirmojë që ka lexar me kujdes dhe se i pranon Termet dhe Kushtet. Në rast të mos pranimit të Termeve dhe Kushteve nga Konsumatori, Urdhëri i Blerjes nuk do të procesohet.

Nëse Konsumatori dëshiron të bëjë ndryshime ose korrigjime në Urdhërin e Blerjes pas konfirmimit, Konsumatori duhet të kontaktojë Shërbimin për përkujdesje ndaj Konsumatorit në numrin e telefonit ose në email-in e shfaqur në seksionin “Kontakti” në uebfaqën zyrtare të Lindex Kosova. Një Urdhër i Blerjes i konfirmuar nuk mund të modifikohet ose anulohet nga Konsumatori për shkak se ne do të fillojmë menjëherë të punojmë në porosinë tuaj. Përjashtim i kësaj mund të ekzistojë në rastet siç është përcaktuar shprehimisht në Termet dhe Kushtet ose të parashikuara ndryshe nga ligji në fuqi.

Sapo Konsumatori të përfundoj një Urdhër të Blerjes, rekomandohet që klienti të shkarkojë dhe të ruajë ose të shtypë Termet dhe Kushtet e aplikueshme në kohën e dorëzimit të Urdhërit.

• ÇMIMET DHE PAGESA

Të gjitha çmimet në faqe janë të shprehura në euro (EUR) dhe përfshijnë TVSH-në. Çmimet mund të ndryshojnë dhe ofertat mund të tërhiqen në çdo kohë. Çmimet në ditën kur blerësi përfundon porosinë do të jenë të vlefshme gjatë gjithë procesit të blerjes.

Çmimi i përgjithshëm për secilën Urdhër të Blerjes do të përmbajë edhe koston e transportit të llogaritur siç përcaktohet në Nenin 7 të këtyre Kushteve.

Lindex Kosova rezervon të drejtën për të ndryshuar çmimet e produkteve të ofruara në çdo kohë dhe pa paralajmërim. Çmimet e publikuara në faqen e internetit në kohën e konfirmimit të Urdhërit të Blerjes janë çmimet që do të zbatohen për një Urdhër të tillë. Lindex Kosova, sipas gjykimit të vet, mund të refuzojë procesimin e një Urdhëri të Blerjes për arsyet si në vijim: nëse çmimi i publikuar për çdo Produkt nuk është i saktë për shkak të manifestimin të ndonjë gabimi dhe për të cilin Lindex Kosova nuk do të jetë i përgjegjës; nëse produktet e paraqitura në uebfaqe ose mediumin tjetër nuk janë më të disponueshme; nëse Lindex Kosova nuk mund të marrë autorizimin për pagesën e Konsumatorit, apo nëse ka probleme me tërheqjen e mjeteve nga llogaria e kartelës bankare të Konsumatorit; nëse ekzistojnë kufizime për dërgesën e Produktit të vendosur në Urdhërin e Blerjes.

Pagesa mund të bëhet me kartelë bankare valide (kredit apo debit kartelë) e cila ka fonde të mjaftueshme për të kryer porosinë dhe permes pagesës në kohën e dorëzimit të produktit, në të cilin rast konsiderohet si shitja është kryer në momentin e kryerjes së pagesës.

Metodat e pagesës
Dyqani online i Lindex Kosova pranon metodat e mëposhtme të pagesës për porosite ne faqe:

Pagesa me kartele te kreditit/debitit

Plotësimi i suksesshëm i secilit Urdhër të Blerjes do do të bëhet vetëm pas verifikimit të të dhënave të kartelës bankare të Konsumatorit dhe pas autorizimit për të kryer ngarkesën për Urdhërin e Blerjes në këtë kartelë.

Kur paguani duke përdorur një kartë krediti ose debiti (VISA, Mastercard), shuma e aplikuar do të rezervohet në kartën tuaj, derisa artikujt të përgatiten dhe të dërgohen për ju. Ne shohim vlefshmërinë dhe statusin e kartës suaj në lidhje me vlerën e porosisë dhe gjithashtu nëse detajet e klientit janë të sakta. Ne mund të refuzojmë porosinë në varësi të rezultatit të këtyre kontrolleve.

Të gjitha pagesat që kryhen me një kartë krediti ose debiti bëhen përmes Ofruesit tonë të sigurtë të Shërbimit të Pagesave (OSHP) i cili përdor teknologjinë SSL (Secure Sockets Layer) në formë të enkriptuar duke siguruar siguri të nivelit të lartë për klientin në përputhje me standardin ndërkombëtar të sigurisë PCI DSS. Të gjithë mbajtësit e kartave të kreditit dhe debitit i nënshtrohen kontrollit të vlefshmërisë dhe autorizimit nga lëshuesi i kartës. Nëse lëshuesi i kartës së kreditit ose debitit të dhënë refuzon të autorizojë pagesën për Lindex Kosova, ju do të merrni një mesazh ku thuhet se pagesa nuk mund të procesohet. Lindex Kosova nuk do të jetë përgjegjëse për asnjë vonesë ose mosdorëzim të porosisë të shkaktuar nga refuzimi i tillë për të autorizuar pagesën.

Pagesa me para te gatshme në dorëzim
Nëse zgjidhni të paguani me para të gatshme në dorëzim, pasi të keni konfirmuar porosinë, ne do ta dërgojmë atë në adresën tuaj të kontaktit dhe kur ta merrni dërgesën nga postieri, jeni të detyruar të paguani shumën e porosisë me TVSH plus shpenzimet e dërgesës.

• ZBRITJET, OFERTAT DHE KODET PROMOCIONALE

Lindex Kosova mund të ofrojë herë pas here oferta dhe zbritje promocionale me ose pa kod promocional. Promocionet me kod zakonisht janë të vlefshme vetëm një herë dhe pasi të përdoren, çaktivizohen. Zbritja do të aplikohet në momentin e konfirmimit të blerjes. Zbritjet nuk mund të shtohen pasi porosia të jetë konfirmuar, ndaj sigurohuni që kodi i zbritjes është regjistruar para se të përfundoni blerjen dhe pagesën. Lindex Kosova nuk mban përgjegjësi për kodet promocionale apo promocionet e publikuara në faqe të tjera.

Gjithashtu, Lindex Kosova ruan të drejtën për të tërhequr çdo promocion ose kod promocional në çdo kohë. Kur një kampanjë apo promocion publikohet nga Lindex Kosova në formë të shtypur apo digjitale, nuk lejohet kombinimi i disa ofertave, zbritjeve apo promocioneve të ndryshme. Lindex rezervon të drejtën të anulojë një porosi në rast të keqpërdorimit të ndonjë kampanje, oferte, zbritje apo promocioni.

Lindex Kosova ruan të drejtën për të mos realizuar kthimin dhe ndërrimin e produkteve që janë në zbritje dhe oferta promocionale.

• DISPONUESHMËRIA DHE DORËZIMI

Konsumatori pranon se rezervat e produkteve të ofruara në faqen e internetit janë të kufizuara.

Herë pas here, disa produkte mund të mos jenë të disponueshme. Në këtë rast, Lindex Kosova do të informojë Konsumatorin sa më shpejt të jetë e mundur. Nëse një nga Produktet të porositura me anë të Urdhërit të Blerjes nuk është i disponueshëm, atëherë porosia do të përmbushet për Produktin që është në dispozicion.

Lindex Kosova do të bëjë përpjekjet më të mira për të përmbushur çdo Urdhër të Blerjes brenda 48 orëve dhe në çdo rast nga data e marrjes së Urdhërit. Në raste të ofertave dhe zbritjeve të ndryshme, dorëzimi i porosis mund të zgjasë më shumë se 48 orë. Sidoqoftë, në rast të vonesës eventuale për dorëzimin e produktit, Lindex Kosova nuk do të jetë përgjegjës për dëmshpërblimin e Konsumatorit dhe asnjë pretendim, humbje ose shpenzime që pretendohet të rezultojë nga Lindex Kosova. 

• DËRGIMI I POROSISË

Urdhërat dhe porositë do të dërgohen duke përdorur shërbimin postar të përzgjedhur nga Lindex Kosova me diskrecionin e tij. Urdhërat realizohen dhe dorëzohen nga e hëna deri të premten, duke përjashtuar fundjavën si dhe festat zyrtare.

Aktualisht, Lindex Kosova ofron shitje të produkteve vetëm brenda Kosovës, Shqipërisë dhe Maqedonisë së Veriut. Përveç kësaj, Lindex Kosova nuk do të përpunojë një Urdhër të Blerjes në të cilin adresa nuk është e saktë ose nuk është e plotë.

Lindex Kosova synon të dërgojë porosinë tuaj brenda 24-48 orësh, pasi porosia të konfirmohet nga ne. Gjatë sezoneve të pikut ose në oferta speciale, fushata dhe ngjarje, dorëzimi, si dhe dërgimi në vende të largëta, koha e dorëzimit mund të zgjatet në 3-5 ditë. Transporti është gjithashtu i mundur në Maqedoninë e Veriut dhe dërgesa mund të mbërrijë brenda 3-5 ditëve të punës.

Ju lutemi të keni parasysh se depoja e selisë së Lindex është e vendosur në Suedi, që është shkaku kryesor që afatet tona kohore për sa i përket dërgimit mund të duken pak më të gjata se ato të disa nga konkurrentëve tanë në Republikën e Kosovës. Nëse dërgesa vonohet për më shumë se 10 ditë, ju keni të drejtë të anuloni blerjen. Në një rast të tillë nga Konsumatori kërkohet të kontaktojë Shërbimin e Klientit të Lindex Kosova. 

Kostoja e dërgesës për porosinë e realizuara është 2.30 €, pavarësisht sa artikuj porosisni. Porosia do të dërgohet në adresën që është treguar nga klienti gjatë procesit të blerjes.

Konsumatori mund të kontaktojë Shërbimin për Përkujdesjen ndaj Konsumatorit informata shtesë në lidhje me çdo çështje që ka të bëjë me dorëzimin e porosisë.

Kostoja e dërgesës (nëse aplikohet) do të shfaqet së bashku me shpenzimet e tjera që lidhen me blerjen dhe porosinë në fund të formularit të porosisë, para konfirmimit të Urdhërit të Blerjes.

Për arsye sigurie, të gjitha blerjet online Lindex Kosova kërkojnë një nënshkrim pas dorëzimit. Të gjitha porositë sipas Urdhërit të Blerjes dorëzohen përmes postës së autorizuar nga Lindex Kosova. Nëse nuk keni mundësi të nënshkruani për pranimin e porosisë tuaj, zyrtari i postës do të lërë një njoftim në derën tuaj, duke ju informuar për porosinë. Nëse nuk jeni në dispozicion për të nënshkruar porosinë tuaj apo adresa për çfarëdo arsye nuk është e saktë, porosia juaj do të anulohet dhe produkti do të kthehet tek Lindex Kosova. Në rast të dështimit, Konsumatori do të ngarkohet me kostot dhe shpenzimet e transportit.

• PRANIMI I PRODUKTIT

Konsumatori do të kontrollojë produktet menjëherë në momentin e dorëzimit për të përcaktuar konformitetin me Urdhërin e dhënë.

Konsumatori duhet të njoftoj Lindex Kosova për çdo defekt të mundshëm (p.sh. paketimi tregon dëshmi të dëmtimit, dëmtim i produktit ose dallimet në mes të produkteve nga ato të porositura sipas Urdhërit të Blerjes).

Nëse një ose disa produkte të dorëzuara janë të ndryshme nga ato të urdhëruara ose janë të dëmtuara, Konsumatori duhet të informojë menjëherë Lindex Kosova duke kontaktuar Shërbimin për Përkujdesjen ndaj Konsumatorit.

Në rastin e kthimit të produktit, Konsumatori duhet të ndjekë me kujdes procedurat e kthimit të vendosura nga Lindex Kosova. Lindex Kosova këshillon Konsumatorët të kontaktojnë Shërbimin për Përkujdesjen ndaj Konsumatorit për udhëzime dhe sqarime të nevojshme.

• KTHIMI I PRODUKTIT DHE RIMBURSIMI

Sipas Ligjit për Mbrojtjen e Konsumatorit të Republikes se Kosoves blerja përmes www.lindexkosova.com  konsiderohet si shitje në distancë. Shitje në distancë perkufizohet çdo kontratë e arritur mes tregtarit dhe konsumatorit përmes një skeme ofrimi shërbimesh apo shitje të organizuar në distancë pa prezencën e njëkohësishme fizike të tregtarit dhe konsumatorit, ekskluzivisht duke përdorur një ose me shumë mjeteve të komunikimit në distancë përgjatë dhe duke llogaritur kohe në të cilën kontrata është lidhur.

Ligjit për Mbrojtjen e Konsumatorit të Republikes se Kosoves i njeh të drejtën blerësit, i cili konsiderohet konsumator (person fizik që blen produktin për të përmbushur nevojat e tij personale dhe jo për veprimtari profesionale), të tërhiqet nga kontrata brenda 14 ditëve nga data e dorëzimit të produktit.

Politikat e Kthimit dhe Këmbimit (Ndërrimit) në Lindex Kosova

Konsumatori ka të drejtë të kthejë produktin nga Urdhëri i tij, në rast të mospërputhjes (konformitetit) në mes të produktit të porositur dhe produkrit të pranuar, duke i kthyer produktet që ka marrë në Lindex Kosova brenda dhjetë (10) ditëve nga data kur këto produkte janë dorëzuar. Produkte e përdorura, të personalizuara, ose produkte të bërë me porosi – gift cards – nuk mund të kthehen.

Lindex Kosova do ta bej kthimin dhe këmbimin (ndeërrimin) e produkteve, me kusht që artikujt e kthyer të përmbajnë etiketat origjinale, të jenë të papërdorura dhe të jenë në gjendjen e tyre origjinale. Artikujt e kthyer duhet të paketohen, aq sa është e mundur, në të njëjtën mënyrë sikur kur është bërë pranimi i artikullit.

Lindex Kosova ruan të drejten për të mos lejuar kthimin dhe ndërrimin e produkteve që janë në Zbritje dhe kthimin dhe ndërrimin produkteve që përfshijnë Ofertë të cakuar promocionale.

Procedura e kthimit të produktit

Ju mund të ktheni dhe ndërroni produktin në dy mënyra:

1. Në dyqan – duhet të i sillni me vete artikujt që dëshironi të i ktheni ose të i këmbeni, si dhe faturën që erdhi me porosinë tuaj. 
2. Me postë – na dërgoni një email tek customer.service@lindexkosova.com për të filluar procedurën e kthimit apo rimbursimit. Përmes email-it duhet te dergoni Kërkesën për Anulim, e cila duhet të përmbajë numrin e porosisë, kodin e artikullit që do të kthehet dhe, në rast rimbursimi, numrin e faturës fiskale përmes së cilës do të kryhet rimbursimi.

Në rast kthimi ose këmbimi, pagesa e postës është përgjegjësi e bleresit, përveç në rastet kur porosia nuk eshte dorezuar sipas porosise se realizuar dhe kushteve te blerjes. Kthimi i artikujve në dyqan është falas.

Ju mund ta Anuloni porosinë tuaj duke dërguar një email në Lindex Kosova në adresën: customer.service@lindexkosova.com.

Deklarata e tërheqjes nga kontrata hyn në fuqi në ditën kur i dërgohet shitësit me email. Në rast tërheqjeje nga kontrata, konsumatori ka të drejtë në rimbursim ose ndërrim me një produkt tjetër. Rimbursimi bëhet vetëm pas pranimit të produktit dhe pasi të verifikohet se ai është i padëmtuar dhe në gjendje të rregullt. Blerësi është i detyruar të kthejë produktin pa vonesë, jo më vonë se 10 ditë nga data e dërgimit të formularit të tërheqjes. Pas skadimit të këtij afati, produkti nuk mund të kthehet më.

Gjatë kthimit, është e domosdoshme që artikulli të jetë i papërdorur, në gjendje të rregullt dhe në paketimin origjinal të padëmtuar, së bashku me faturën fiskale origjinale. Pasi të merret produkti, do të kontrollohet nëse ai është i rregullt dhe i padëmtuar. Blerësi është përgjegjës për çdo defekt ose dëmtim të shkaktuar nga përdorimi i papërshtatshëm i produktit, dhe në këtë rast rimbursimi do të reduktohet për shumën që mbulon dëmtimin dhe produkti do t’i kthehet blerësit me shpenzimet e tij.

Shitësi është i detyruar të kthejë shumën e paguar nga konsumatori jo më vonë se 10 ditë pas pranimit të Kërkesës për Anulim dhe pas pranimit të produktit. Kostoja e kthimit të produktit dhe fondeve mbulohet nga shitësi.

Nuk lejohet kthimi dhe ndërrimi për produktet që janë në Zbritje dhe që përfshijnë Ofertë të cakuar promocionale.

Nëse keni blerë disa artikuj me një ofertë, për shembull “3 për 2”, atëherë të gjithë këta artikuj duhet të kthehen. Ju nuk mund të bëni kthimin e një artikulli të vetëm kur këto përfshihen në një ofertë te tille.

Lindex Kosova sugjeron që të ruani dëshminë e postimit ose dëshminë e dërgesës derisa çmimi i blerjes të rimbursohet.

Procedura e rimbursimit

Në rast të ndërprerjes së kontratës, konsumatori ka të drejtë në rimbursim ose ndërrim të produktit. Rimbursimi bëhet pas pranimit të produktit dhe pas verifikimit që ai është i padëmtuar dhe i rregullt. Shitësi është i detyruar të kthejë shumën e paguar nga konsumatori brenda 10 ditësh nga data e pranimit të deklaratës për tërheqje, pasi të jetë marrë produkti.

Rimbursimi bëhet vetëm nëse blerësi ka ndjekur procedurën e kthimit dhe bëhet në të njëjtën mënyrë si pagesa origjinale. Në rast të kthimit të artikujve të paguar me kartë, rimbursimi do të bëhet vetëm përmes së njëjtës kartë bankare, pra banka do të transferojë shumën në llogarinë e mbajtësit të kartës.

Çfarë nuk mund te kthehet dhe nderrohet?

Nuk lejohet kthimi dhe ndërrimi për produktet që janë në Zbritje dhe që përfshijnë Ofertë të cakuar promocionale.

Për arsye higjienike, nuk ofrohet kthim apo ndërrim për:

• Rroba banje
• Veshje të brendshme: Mbathje dhe Sytjena   
• Kozmetikë dhe vathë, nëse janë nxjerrë nga paketimi i tyre i vulosur.

Për produkte me defekte, shihni më poshtë politikën për produkte me defekte – Reklamimi.

Ndërrimi i masës se produktit apo stilit (llojit)

Procedura e ndërrimit
Nëse pas pranimit të artikullit dëshironi ta ndërroni për një masë tjetër ose për një artikull tjetër të së njëjtës ose më të lartë kategori çmimi, na kontaktoni përmes email-it në customer.service@lindexkosova.com. Duhet të keni pranë numrin e porosisë/faturës dhe të na tregoni kodin dhe madhësinë e artikullit që dëshironi. Pas kontrollit të disponueshmërisë në dyqanet fizike, do të merrni udhëzimet përkatëse për procesin e ndërrimit.

Produkti duhet të kthehet në gjendje të rregullt, i papërdorur dhe në paketim origjinal të padëmtuar, së bashku me faturën fiskale. Nëse konstatohet që dëmtimi është shkaktuar nga blerësi, ndërrimi nuk do të pranohet dhe produkti do të kthehet me shpenzimet e blerësit.

Produkti nuk mund të ndërrohet në ndonjë dyqan fizik të Lindex në Kosove pa marrëveshje paraprake me dyqanin online.

Afati për ndërrim të produktit
Blerësi mund të fillojë procedurën për ndërrim brenda 10 ditëve nga marrja e produktit. Më pas, ndërrimi duhet të përfundojë brenda 10 ditëve pas dorëzimit të kërkesës dhe marrjes së produktit.

Kostoja e dërgesës për ndërrimin e produktit
Kostoja e ndërrimit dhe rimbursimit mbulohet nga blerësi, përveç në rastet kur artikulli është i dëmtuar ose i pasaktë.

SHËNIM: Duke konfirmuar porosinë tuaj, duke klikuar butonin KONFIRMO, ju pranoni kushtet për ndërrim të masës ose produktit.

1. REKLAMIMI

Nëse vini re mospërputhje në produktin e blerë sipas Ligjit për Mbrojtjen e Konsumatorit, dërgoni një email në customer.service@lindexkosova.com me të dhënat tuaja (emër, mbiemër, telefon) dhe përshkrimin e problemit.

Nëse keni marrë porosinë dhe pas hapjes së paketimit vini re se artikulli nuk përputhet me porosinë apo me faturën, ju lutemi na kontaktoni brenda 24 orëve në customer.service@lindexkosova.com me të dhënat tuaja dhe përshkrimin e problemit. Brenda 7 ditësh pas pranimit të ankesës, do të merrni përgjigje dhe udhëzime për veprimet e mëtejshme.

Nëse nuk mund të vlerësojmë bazueshmërinë e ankesës, konsumatori do të drejtohet për ekspertizë tek një institut i specializuar në Kosove. Nëse ankesa është e bazuar, kostot e ekspertizës mbulohen nga Lindex, në të kundërten, ato mbulohen nga konsumatori. Vendimi përkatës do t’i dërgohet konsumatorit në formë elektronike.

1. PËRPUNIMI I TË DHËNAVE PERSONALE

Konsumatori pranon dhe autorizon përdorimin dhe përpunimin e të dhënave personale nga Lindex Kosova në momentin e vendosjes së Urdhërit të Blerjes.

Konsumatori jep pëlqimin dhe autorizimin e tij që Lindex Kosova të ruajë, të përpunojë, analizojë dhe të përdorë të dhënat personale të mbledhura për qëllimet e kësaj porosie, brenda afateve të përcaktuara nga legjislacioni për mbrojtjen e të dhënave personale

Pëlqimi i dhënë nga Konsumatori vlen për përdorimin dhe përpunimin e të dhënave të tij/saj personale me qëllim të përmbushjes sëë kontratëës së shitjes sipas Urdhërit të Blerjes. Konsumatori gjithashtu pajtohet të japë këtë pëlqim edhe për qëllime të dërgimit dhe pranimit të materialeve dhe ofertave promocionale.

Informatat e mbledhura sipas regjistrimit të Urdhërit të Blerjes, varësisht prej nevojës dhe vetëm deri në masën e domosdoshme për zbulim, mund t’i ndajë me kontraktorët e tij të jashtëm, siç janë: këshilltarët e jashtëm ligjor, këshilltarët financiar, tatimor, auditorët, si dhe me çfarëdo kontraktori tjetër të jashtëm, përderisa një zbulim i tillë është i domosdoshëm dhe me kusht që pranuesi i këtyre të dhënave të obligohet për konfidencialitet të plotë për këto të dhëna.

1. PËRGJEGJËSIA

Lindex Kosova mban të drejtën të tërhiqet nga dorëzimi i porosisë nëse ka pasur një gabim të qartë dhe të dukshëm të çmimit në faqen e internetit (p.sh. çmimi i produktit duket të jetë shumë i lartë ose shumë i ulët ose nëse çmimi jepet si 0). Në një rast të tillë, Lindex Kosova do t’ju informojë pa vonesë për gabimin dhe do t’ju njoftojë me çmimin e saktë.

Artikujt e shitur në lindexkosova.com ofrohen vetëm për përdorim të konsumatorit privat. Ju pranoni të mos përdorni artikujt për ndonjë qëllim komercial ose biznesi ose për rishitje, dhe ne nuk kemi asnjë përgjegjësi ndaj jush për ndonjë humbje të fitimit, humbje biznesi, ndërprerje biznesi, ose humbje të mundësisë së biznesit. Ndalohet çdo ribotim, kopjim, shkarkim, ruajtje, transmetim ose veprimtari e ngjashme në lidhje me tekstet dhe imazhet e paraqitura në lindexkosova.com për ndonjë qëllim tjetër, pa lejen paraprake me shkrim të Lindex Kosova.

Lindex Kosova nuk është përgjegjëse për ndonjë gabim në tekste ose imazhe dhe mban përgjegjësi vetëm për humbjen e të dhënave, humbjen e të ardhurave ose fitimit, ose humbjen nga pretendimet nga palët e treta që vijnë nga përdorimi i faqes në internet ose për ndonjë produkt ose shërbim të blerë nga lindexkosova.com kur humbja e tillë është rezultat i parashikueshëm i shkeljes së këtyre termave nga Lindex Kosova ose neglizhencës së saj, por Lindex Kosova nuk është përgjegjëse për ndonjë humbje ose dëmtim që nuk është i parashikueshëm. Humbja ose dëmtimi është i parashikueshëm nëse ato ishin një pasojë e dukshme e shkeljes sonë ose nëse ishin parashikuar nga ju dhe Lindex Kosova në kohën kur kemi lidhur kontratën. Lindex Kosova nuk do të ketë asnjë përgjegjësi për çdo vonesë në dorëzimin e produkteve në masën që vonesa është shkaktuar nga ndonjë ngjarje jashtë kontrollit të arsyeshëm të Lindex Kosova, duke përfshirë por pa u kufizuar në: luftëra, përmbytje, zjarr, mosmarrëveshje pune, greva, bllokime largime, trazira, trazira civile, dëme keqdashëse, veprime qeveritare dhe çdo ngjarje tjetër e ngjashme.

Ndërsa Lindex Kosova synon të përshkruajë me saktësi artikujt dhe imazhet në lindexkosova.com, mund të ketë ndryshime të vogla të ngjyrave midis imazheve dhe produkteve aktuale për shkak të një numri faktorësh siç janë shfletuesi i internetit që përdoret ose konfigurimet e kontrastit të ngjyrave të monitorëve. Lindex Kosova nuk mund të mbahet përgjegjëse për ndryshimet në ngjyra si rezultat i faktorëve të lartpërmendur.

Lindex Kosova nuk do të jetë përgjegjës për dëmet eventuale të Produkteve të shkatuara si pasojë e transportuesit.

Lindex Koosva nuk do të jetë përgjegjës ndaj Konsumatorit ose përdoruesve ose shfrytëzuesve të mëvonshëm për ndonjë dëm, humbje ose kërkesë, qoftë direkte, indirekte ose pasuese, qoftë për dëmtim të pronës ose personit, në çfarëdo çështje dhe Konsumatori me këtë heq dorë nga çdo kërkesë e tillë në emër të tij dhe në emër të cilitdo person ose palë të cilit i transferon produktet.

Në asnjë rrethanë, Lindex Kosova nuk do të jetë përgjegjës për kërkesat për dëmshpërblim, qoftë të drejtpërdrejtë, të menjëhershëm, të parashikueshëm, të rastësishëm, konsekuent ose të veçantë, ose për ndonjë shpenzim ose të lindur për shkak të përdorimit ose keqpërdorimit, shitjes ose fabrikimit të produkteve që nuk janë në përputhje me Afatet dhe Kushtet.

Lindex Kosova do të ketë të drejtë të ndërpresë përdorimin e lindexkosova.com në çdo kohë për shembull për shkak të procedurave të mirëmbajtjes.

1. NDRYSHIMET NË TERMET DHE KUSHTET TONA 

Nëse vendosim të ndryshojmë ose azhurnojmë termat dhe kushtet tona, ne do të azhurnojmë datën e modifikimit të termave dhe kushteve të dhënë si më poshtë. 

Ky dokument u modifikua për herë të fundit me dt. 2025-04-18